食環署將進行最後一次周年編配公營骨灰龕位，三個地點合共有12,150個可續期龕位。對重視傳統祭祀嘅朋友嚟講，揀龕位唔單止係「中唔中籤」咁簡單── 龕位選擇得宜對先人嘅安寧及後人嘅福澤都有好深遠嘅影響。
點解話「最後一次」?
由8月起食環署改行每月編配制度，届時曾咀同其他三個龕場每月最少供應1,600個龕位。所以話，今次係最後一次以傳統方式分派名額。
承福殯儀從風水環境、上香政策、祭祀便利等方面幫你分析今期三個龕場嘅特點。
龕位概覽
三個龕場合其有12,150個可續期龕位，每個地點各4,050個。以下係最關鍵嘅資訊：
| 項目 | 詳情 |
|---|---|
| 申請日期 | 2026年4月1日（三）上午9時 至 4月30日（四）下午5時 |
| 龕位總數 | 12,150個（三個地點各4,050個） |
| 公開攪珠 | 2026年7月下旬（確實日期待公布） |
| 標準龕位費用 | HK$2,490（龕位$2,400 + 紀念碑$90） |
| 大型龕位費用 | HK$3,090（龕位$3,000 + 紀念碑$90） |
| 加放先人 | 每位HK$140 |
| 續期安排 | 首次安放期20年，之後每10年續期一次 |
溫馨提示: 今次所有龕位都係「可續期」安排，唔係永久嘅。龕位透過電腦隨機編配，申請人冇得揀位置。講究方位嘅朋友要特別注意呢一點。
風水環境
龕位雖然係電腦隨機編配，但你可以揀最合心水嘅龕場。究竟邊個龕場風水最好？我哋透過實地資訊逐個分析：
和合石靈灰安置所第六期
和合石喺新界北區，背靠大帽山山脈餘脈，地勢依山起。傳統風水講「靠山面水」，和合石整體就屬於有靠山嘅格局。第六期有A座同B座兩幢新大樓，設施幾新淨。
- 環境：背山面谷，綠樹環繞，空氣流通
- 設施：全新大樓，設有冷氣系統
- 上香政策：設有非禁香區（2,000個標準龕位 + 25個大型龕位）
- 祭祀設施：設有專門燃燒香燭祭品嘅區域
哥連臣角新廈靈灰安置所
哥連臣角喺港島東面山坡，望出去就係大海。風水上講「明堂開闊、見水為財」，海景環境算係幾理想嘅格局。
- 環境：面海背山，視野開闊
- 設施：新大樓設計，室內恒溫
- 上香政策：設有非禁香區（2,000個標準龕位 + 25個大型龕位）
- 祭祀設施：設有專門燃燒香燭祭品嘅區域
石門靈灰安置所
石門喺沙田城門河附近，地勢平坦，鄰近商場同住宅區，交通最方便。不過與其他龕場最大唔同：石門係全面禁香嘅，需要上香拜祭既朋友就唔駛考慮啦。
- 環境：市區位置，地勢平坦
- 設施：全新現代化設計
- 上香政策：完全不設任何供燃燒香燭祭品嘅設施
- 交通：屯馬綫石門站步行可達，係三者之中最方便
上香政策
你可能會問「咩係全面禁香？」按石門規定即係話:
- 唔可以燒香 — 線香、檀香、環保香一律唔得
- 唔可以燃點蠟燭
- 唔可以燒衣紙祭品 — 金銀衣紙、紙紮品一律唔准進場
- 淨係可以擺鮮花或人造花
小總結：如果屋企人喺清明、重陽、忌日或農曆年節慣上香燒衣紙，石門就唔適合你哋，只可以揀和合石或者哥連臣角嘅非禁香區，不過呢兩個場地嘅非禁香區只有共4,000個標準龕位，即係話，實際揀得嘅非禁香位只佔總數大約三分之一。想了解多啲道教喪禮嘅傳統上香儀式，可以睇吓呢篇。
選位考量
| 考量因素 | 建議選擇 |
|---|---|
| 需要定期上香燒衣 | 和合石或哥連臣角（非禁香區） |
| 偏好靠山環境 | 和合石（背靠山脈） |
| 偏好面海開闊環境 | 哥連臣角（面向大海） |
| 長者家屬需頻密拜祭 | 石門（港鐵直達）或哥連臣角 |
| 希望多人先人合放 | 三個地點均有大型龕位，但非禁香大型只有和合石及哥連臣角各25個 |
標準龕位定係大型龕位？
兩種龕位嘅分別及申請要求：
- 標準龕位 — 放一至兩位先人，申請填一位先人資料就得
- 大型龕位 — 放三位或以上，申請要填最少三位先人資料，而且必須係近親
想將幾位先人骨灰合放嘅話，可以揀大型龕位啱。每加放一位先人收費$140。點撃殯儀服務收費了解更多詳情。
申請須知
4月1日開始接受申請，30日截止。食環署建議透過網上途徑申請（app.fehd.gov.hk/newniche/N2026/），交咗即刻收到確認回條。記住呢幾樣嘢：
- 準備好「領取骨灰許可證」副本 — 呢份係最重要嘅文件。如未有嘅話，可以先用「遺體火葬費用收據」代替。
- 存放多位先人可以增加中籤機會 — 每宗申請多放一位先人骨灰，就獲發多一張抽籤紙
- 所有申請於遞交後, 不得更改
- 2019年之後交過申請嘅人有著數 — 可以免附文件，網上申請仲簡單
溫馨提示: 如果先人未火化，可以先預訂截止日後15天內嘅火化時段，透過「遺體火葬費用收據」交申請住先，之後攞到「領取骨灰許可證」再補交就得。如何安排火化？WhatsApp 搵我哋幫手。
恒常祭祀
攞到龕位、安放好骨灰之後，就要諗如何安排日後嘅恒常祭祀。甚麼日子要去拜祭？傳統家庭通常跟以下幾個時節：
主要拜祭時節
- 清明節（農曆三月）— 全年最多人嘅日子，記得早啲出門避人潮。想知點準備？睇吓我哋嘅清明節掃墓完整攻略
- 重陽節（農曆九月初九）— 秋祭傳統
- 先人忌日 — 即每年先人生忌及死忌
拜祭注意事項
- 非禁香區可燒香、點燭、燒衣紙，但須喺指定燃燒設施進行
- 清明及重陽期間龕場會加強人流管制，建議避開上午10時至下午2時高峰時段
- 各龕場辦公時間為星期一至日（公眾假期照常開放）
- 可攜帶鮮花、水果、糕點等傳統祭品前往拜祭
想搵人幫手安排傳統殯儀儀式？承福殯儀嘅專業團隊隨時提供資訊同建議。如考慮土葬，可以參考香港土葬墓地推薦。
總結
要上香燒祭品的朋友，只可以揀和合石或哥連臣角嘅非禁香區。
4月1日至30日係申請期，要及早準備好有關文件
呢期係食環署最後一次周年編配。8月之後改利每月制度，曾咀同其他三個龕場加埋每月供應最少1,600個龕位，到時供應穩定好多。